Мамаѥво побоищє

Мамаѥво побо́ищє (а тариждє Бра́нь на Коулико́вѣ по́ли ꙁъва́ноѥ) вели́каꙗ и сла́вьнаꙗ бра́нь бѣ́, ꙗ́жє въ 8 дь́нь сєнтѧ́брꙗ въ 1380 лѣ́тѣ междѫ́ роу́сскꙑими во́ими и Си́льноѭ Ордо́ѭ сътвори́ сѧ

Въ то́и ча́съ тата́рьскꙑи кнѧ́ꙁь Мама́и съ вели́кꙑимъ мно́жьствомъ во́инъ на Роу́сь ко кнѧжє́нию Москъ́вьскомоу ити́ заповѣ́да ⁙ Тоу́ жє вели́кꙑи кнѧ́ꙁь Дими́трїи Иоа́нновичъ Москъ́вьскꙑи иꙁъ всѣ́хъ роу́сскꙑихъ ꙁє́мль во́ѥвъ соу́противъ єго́ со́бъра ⁙ Прѣ́ждє ра́ти прєподо́бьнꙑи Ста́рьць Сє́ргїи Ра́донєжьскꙑи кнѧ́ꙁѧ на бра́нь бл҃гослови́ и дво́и во́инꙑ-и́нокꙑ, Пєрєсвѣ́та и Ослѧ́бю, съ ни́мь поусти́

Бра́нь на по́ли Коулико́вѣ оу рѣки́ Дона́ на́ча сѧ съ по́единъка Пєрєсвѣ́та съ тата́рьскꙑимъ бога́тꙑрємъ Чєлоубѣ́ѥмъ, въ нє́мьжє ѻ́ба до смє́рти падо́шѧ ⁙ По́слѣди жє бꙑ́сть сѣ́ча вели́ка и стра́шна, и кро́вь ꙗ́ко во́да тєча́ашє ⁙ Роу́сскꙑи ꙁаса́днꙑи пл҃къ во́ѥводꙑ Дими́трїя Бобро́ка-Волꙑ́ньскаго и кнѧ́ꙁѧ Влади́мїра Андрє́ѥвича тата́рꙑ въ бѣ́гъство обрати́ ⁙ Вра́гъ побѣждє́нъ бѣ, а кнѧ́ꙁь Дими́трїи ꙁа побѣ́доу то́ѭ Доньскꙑ́и ꙁъва́нъ ѥ́стъ ⁙ Побо́ищє сїе́ пє́рвꙑи вєли́кꙑи ша́гъ къ свобо́дѣ Роу́си отъ Ордꙑ́ соу́ть