Їллѷрїискословѣньскъ ѩꙁꙑкъ

Їллѷрі́искословѣ́ньскъ ѩꙁꙑ́къ и їллѷрїискословѣньскꙑ slovenski jezik, slovenščina · южьнословѣньска иꙁвода словѣньска дрѣвєсє ѩꙁꙑкъ ѥстъ ⁙ Їллѷрїискꙑ Словѣнїѩ дрьжавьнъ ѩꙁꙑкъ ѥстъ ⁙ С҄имь ѩꙁꙑкомь такождє Италїи · Ѫгрихъ · Аѵстрїи и Хръватьсцѣ глаголѭтъ ⁙ Людии глаголѭщь їллѷрїискословѣньскꙑ 2,2 лєѡдръ сѫтъ ⁙ Мъноꙃи дїалєкти ѥмоу сѫтъ · бєꙁ мала комьжьдо сєлѣ свои ѩꙁꙑкъ ѥстъ ⁙ Словѣньскꙑ наꙁъванъ ⁖ їллѷрїискословѣньскъ ⁖ да бѣжали о съмѣшєниꙗ съ словѣньскомь ѩꙁꙑкомь и карпатьскословѣньскꙑимъ ѩꙁꙑкомъ бѫ

Иꙁвѣстьнъ сь ѩꙁꙑкъ ꙃѣло своими особостьми грамматїцѣ и фѡнитїцѣ ѥстъ ⁙ Грамматїцѣ главьнаꙗ ѥстъ · ѥжє двоина вънѥмь съхранѥна ѥстъ · ꙗкожє ѥдьномь тъкъмо врьхоулѫжичьсцѣ ѩꙁꙑцѣ посрѣдѣ вьс҄ѣхъ словѣньскъ

Фѡнитїка

Фѡнитїцѣ жє чоудєсьна вєщь гласьници сѫтъ ⁙ Въ ѥдиного на дєсѧтє нашєго гласьника мѣсто сьдє осмь гласьникъ сѫтъ : а, є, и, о, оу, ъ, ѣ, ѫ. Ъ срѣдиньнѣи сѧ иꙁдрицаѥтъ ([ə]) ⁙ Ѣ жє мєждоу є и и стоитъ ⁙ Ѫ жє носьнꙑи приꙁвѫкъ нє съхранилъ ѥстъ ⁙ Нѣкогда с҄ихъ ꙁвѫкъ бол҄ьши чѧсть длъга или кратъка бꙑти могла ѥстъ · нꙑнѣ жє тако бєꙁ мала никъто нє глаголѥтъ

Словѣньсции гласьници а, є, и, о, оу, ѣ и ѫ тиждє ꙁвѫци стали сѫтъ ⁙ Ѧ жє є сталъ ѥстъ ѥгда кратъкъ и ѣ ѥгда длъгъ ѥстъ ⁙ Ꙑ жє и сталъ ѥ́стъ ⁙ Ѥри жє пали сѫ́тъ · ѥгда слабахъ мѣстахъ бꙑли сѫ́тъ · и́ли оба ъ стали сѫтъ · ѥгда дроугахъ мѣстахъ

Климєнтовицѫ бо Їллѷрїисции Словѣнє ꙁабꙑли · латиньскꙑ жє боукъви хоудо присъпособили сѫтъ · нꙑнѣ раꙁличиꙗ писмѣ мєждоу є, ѣ и ъ (вьс҄и триѥ латиньскоѭ боукъвиѭ e сѧ пишѫтъ) · ꙗкожє и мєждоу о и ѫ (ла҃т o) нѣстъ.

Їллѷрїискословѣньска аꙁбоукꙑ

Їллѷрїискословѣньсцѣи аꙁбоукъвє 25 боукъвъ и 3 дїграѳи сѫть.


Боукꙑ	ꙁвѫкъ	Боукꙑ	ꙁвѫкъ
A a	[a]	M m	[m]
B b	[b], [p]	N n	[n]
C c	[ʦ]	Nj nj	[ɲ]
Č č	[ʧ]	O o	[o], [ɔ]
D d	[d], [t]	P p	[p]
Dž dž	[ʤ], [ʧ]	R r	[r]
E e	[e], [ɛ], [ə]	S s	[s]
F f	[f]	Š š	[ʃ]
G g	[g], [k]	T t	[t]
H h	[x]	U u	[u]
I i	[i]	V v	[v], [w]
J j	[j]	Zz	[z]
K k	[k]	Ž ž	[ʒ], [ʃ]
L l	[l], [w]
Lj lj	[ʎ], [l]

ꙁьри такождє

Википєдїѩ ꙁнакъ

Википєдїꙗ пьсана
їллѷрїискословѣньскꙑимь ѩꙁꙑкомь
Glavna_stran

Викикладоу ꙁнакъ

Инꙑ видꙑ виждь
Викикладѣ